Netanyahu: Izraeli është në luftë me Hezbollahun, do të intensifikojmë sulmet
Kryeministri izraelit Benjamin Netanyahu ka njoftuar se vendi i tij është në luftë me organizatën Hezbollah dhe se Izraeli do të intensifikojë sulmet kundër këtij grupi në Liban. Ky njoftim vjen në një kohë kur Shtetet e Bashkuara dhe Irani po përpiqen të finalizojnë kushtet e një marrëveshjeje për t’i dhënë fund armiqësive në Lindjen e Mesme.
“Ne nuk do të ndalemi, përkundrazi, kërkova të përshpejtojmë,” tha Netanyahu në një video të publikuar në kanalin e tij në Telegram. “Ne do t’i intensifikojmë sulmet… dhe do ta shtypim” Hezbollahun, shtoi ai.
Pak minuta më vonë, ushtria izraelite bëri të ditur se kishte nisur sulme ndaj infrastrukturës së Hezbollahut në Luginën Bekaa të Libanit dhe në “shumë zona të tjera”.