Trump i prerë me Iranin: Asnjë sanksion nuk hiqet në këmbim të uraniumit
Presidenti Donald Trump deklaroi të mërkurën se Irani nuk do të përfitojë lehtësim nga sanksionet në këmbim të heqjes dorë nga uraniumi i pasuruar. Komentet e tij vijnë në një periudhë kur Shtetet e Bashkuara dhe Irani po përpiqen të arrijnë një marrëveshje për t’i dhënë fund konfliktit që ka përfshirë Lindjen e Mesme për tre muajt e fundit.
“Jo, jo, aspak. Asnjë heqje e sanksioneve, jo”, u shpreh Trump për PBS News gjatë një bisede të shkurtër telefonike, kur u pyet nëse marrëveshja aktuale do të nënkuptonte që Irani do të hiqte dorë nga uraniumi i pasuruar në këmbim të lehtësimit të sanksioneve.
Gjatë një telefonate fundjave me një numër vendesh arabe, përfshirë Arabinë Saudite, Jordaninë dhe Egjiptin, Trump theksoi se duhet të jetë e detyrueshme për këto vende që t’i bashkohen Marrëveshjeve të Abrahamit.