E ÇUDITSHME! Polemika të forta në Botëror, FIFA sqaron pas ndeshjes: Ky ishte problemi
FIFA ka dhënë shpjegime rreth katër orë pas përfundimit të ndeshjes Katar – Zvicër, lidhur me një nga episodet më të diskutueshme të saj. Shkaku i polemikave, që lindën pas akordimit të një penalltie në favor të Zvicrës, është atribuar një “ndërprerjeje teknike”.
Rasti në fjalë u shkaktua nga një faull ndaj lojtarit Freuler brenda zonës, i cili u shndërrua në gol nga Embolo. U ngritën dyshime se lojtari ishte në pozicion jashtë loje në momentin e fillimit të aksionit. Pavarësisht se pamjet tradicionale 3D nuk u shfaqën, duke lënë vend për interpretime, FIFA ka bërë të ditur se lojtari i Zvicrës ndodhej në pozicion të rregullt, duke publikuar edhe pamjet përkatëse.
Në një deklaratë zyrtare, FIFA sqaroi: “Gjatë ndeshjes Katar – Zvicër, në stadiumin ‘San Francisco Bay Area’, një ndërprerje e shkurtër teknike bëri që grafika e animuar, e cila konfirmon pozicionin e rregullt të lojtarëve, të mos gjenerohej përpara penalltisë së akorduar për Zvicrën në minutën e 14-të. Problemi u zgjidh shpejt. Procesi i punës së sistemit VAR nuk u prek nga ky incident dhe ndoqi procedurën normale për verifikimin e vendimit të marrë në fushë. Vijat e përdorura nga VAR-i për të kontrolluar pozicionin e lojtarëve nuk treguan se lojtari sulmues ishte në pozicion jashtë loje në asnjërën prej dy situatave të ndodhura menjëherë para vendimit për penallti.”