VIDEO/ Ariu i murrmë viziton zonën e piknikut në Turqi dhe konsumon ushqimin e lënë nga vizitorët
Një ngjarje e pazakontë është regjistruar në Parkun Kombëtar të Luginës Munzur, ku një ari i murrmë iu afrua një zone pikniku dhe konsumoi ushqimin e lënë në një tavolinë nga vizitorët.
Ngjarja është filmuar me telefon celular nga persona që ndodheshin në afërsi. Pamjet tregojnë ariun duke ngrënë i qetë dhe pa shenja shqetësimi, ndërsa më pas largohet nga zona pa shkaktuar incidente.
Videoja është bërë virale në rrjetet sociale, duke tërhequr vëmendjen e publikut për praninë e kafshëve të egra pranë zonave të frekuentuara nga njerëzit. Incidenti nxjerr në pah edhe një herë kontaktin e shpeshtë mes jetës së egër dhe aktiviteteve njerëzore brenda parkut, veçanërisht në zonat e piknikut dhe kampingut, ku mbetjet ushqimore shpesh tërheqin kafshët e egra në kërkim të ushqimit.
Autoritetet u bëjnë thirrje vizitorëve të tregojnë kujdes dhe të mos lënë ushqime apo mbetje në natyrë, për të shmangur afrimin e kafshëve të egra pranë zonave të banuara ose të frekuentuara nga turistët.