Ministria e Jashtme Iraniane: Fundi i luftës nuk është i plotë pa tërheqjen e forcave izraelite nga Libani
Ministri i Jashtëm i Iranit, Abbas Araghchi, ka theksuar se fundi i luftës në Liban është “një kërkesë dhe një pjesë integrale” e marrëveshjes së paqes. Ai gjithashtu është shprehur se pa tërheqjen e forcave izraelite, fundi i luftës nuk është i plotë.
“Fundi i luftës përfshin gjithashtu fundin e pushtimit dhe pa tërheqjen e forcave izraelite nga territoret që ata pushtuan në këtë luftë”, tha Abbas Araghchi.
Më tej, Araghchi nënvizoi se lufta përfundoi zyrtarisht dje në mëngjes dhe se çdo sulm izraelit është një shkelje e mirëkuptimit.
Raundi i dytë i bisedimeve SHBA-Iran për të arritur një marrëveshje përfundimtare do të fillojë në Zvicër të premten, me nënshkrimin e memorandumit të mirëkuptimit, shtoi ai.