Trump kërkon armëpushim të plotë në të gjitha frontet, përfshirë Libanin
Presidenti i Shteteve të Bashkuara, Donald Trump, ka deklaruar sot se SHBA-të presin një “armëpushim të plotë në të gjitha frontet”, duke përfshirë edhe Libanin.
“Shtetet e Bashkuara janë të përkushtuara ndaj paqes dhe ne i inkurajojmë të gjithë në Lindjen e Mesme të përmbushin angazhimet e tyre për të lejuar që negociatat tona të ecin pa probleme,” u shpreh Trump në një postim në platformën Truth Social. Kjo deklaratë vjen një ditë pas nënshkrimit të memorandumit të mirëkuptimit midis Uashingtonit dhe Teheranit për t’i dhënë fund luftës.
“Ne presim një armëpushim të plotë në të gjitha frontet, përfshirë Libanin, Hezbollahun dhe Izraelin,” theksoi ai.
Në një postim të mëparshëm, Donald Trump vlerësoi marrëveshjen me Iranin, të cilën kundërshtarët e tij e konsiderojnë tepër të favorshme për Teheranin, si një “fitore” për Shtetet e Bashkuara.