Sekuestrohet drogë me vlerë 500 milionë euro në Australi
Policia australiane ka kryer sekuestrimin më të madh në historinë e vendit, duke i kapur 2.7 ton kokainë në një sistem bunkerësh nëntokësorë në Sidnein perëndimor.
Droga, me një vlerë të vlerësuar në tregun e zi prej 816 milionë dollarësh australianë (ekuivalente me rreth 500 milionë euro), u zbulua më 19 qershor. Ajo u gjet e fshehur në ndarje të dizenjuara posaçërisht nën dysheme të rreme, brenda tre kontejnerëve të transportit të vendosur në oborrin e një shtëpie në Londonderry.
Gjatë operacionit, dy persona u arrestuan në vendngjarje. Ata dyshohet se po tentonin t’i shmangeshin policisë dhe janë akuzuar për posedim të drogës së kontrolluar që ishte kontrabanduar jashtë shtetit.
Raportohet se kokaina ishte sjellë në Australi nëpërmjet qytetit të vogël Mic Point në Queenslandin verior. Kjo veprimtari kriminale dyshohet se ishte organizuar nga një grup i krimit të organizuar.