Skandalet e njëpasnjëshme në sektorin e arsimit dhe papunësia në rritje: Të rinjtë në Indi nisin protestën e veçantë, kërkohet dorëheqja e ministrit
Një lëvizje që nisi si një shaka në internet është shndërruar në një protestë reale në kryeqytetin indian. Abhijeet Dipke, themeluesi i partisë satirike “Cockroache Janta”, ka ngritur një kamp proteste në qendër të New Delhit.
Protestuesit po kërkojnë dorëheqjen e ministrit të arsimit të Indisë, Dharmendra Pradhan. Kërkesa e tyre lidhet me një sistem kombëtar provimesh që, sipas tyre, është përfshirë në skandale dhe parregullsi.
“Ne do të qëndrojmë këtu për aq kohë sa të duhet,” deklaroi Dipke nga protesta, ku dhjetëra mbështetës janë mbledhur përreth tij. Sipas tij, protesta nuk do të përfundojë derisa ministri të japë dorëheqjen.
Dipke, 30 vjeç dhe i diplomuar në Universitetin e Bostonit, u kthye në Indi në fillim të muajit për të udhëhequr atë që ai e përshkruan si një lëvizje të brezit të ri të zhgënjyer. Ai shprehet se problemet me provimet, papunësia e lartë dhe mungesa e mundësive për të rinjtë kanë nxitur pakënaqësi të thellë.
Autoritetet nuk kanë bërë ende një deklaratë të detajuar mbi kërkesat e protestuesve.