“`html
Elektriçisti 32-vjeçar humbi jetën në punë, Braçe jep alarmin: 5 vdekje në pak javë, ndërmarrjet publike po kthehen në vende të pasigurta
Një elektriçist 32-vjeçar humbi jetën të shtunën në zonën e Belshit pasi ra në kontakt me energjinë elektrike teksa ishte duke punuar. Pas motit të keq dhe dëmeve të shkaktuara në rrjetin elektrik, ekipet e OSHEE-së kishin dalë në terren për të ndërhyrë dhe rikthyer furnizimin me energji elektrike.
Gjatë një ndërhyrjeje teknike, 32-vjeçari, Klajdi Zekthi, dyshohet se ka rënë në kontakt me energjinë elektrike, duke i shkaktuar vdekjen si pasojë e goditjes.
Lidhur me këtë ngjarje tragjike, ka reaguar edhe deputeti i Partisë Socialiste, Erion Braçe. Ai bëri një bilanc të trishtë, duke theksuar se në harkun e pak javëve janë pesë elektriçistë që kanë humbur jetën në punë.
Braçe ngre alarmin për kushtet e punës dhe pagat, duke kërkuar që ndërmarrjet publike të kenë prioritet sigurimin e jetës së punonjësve të tyre.
“Ndërmarrjet publike të energjisë po kthehen në vende të pasigurta për punëtorët e tyre. Kështu nuk mund të vazhdohet,” shkruan Braçe në postimin e tij.
Në postimin e tij, Braçe shkruan:
- “KLAJDI-VETEM 32 VJEC, ESHTE I FUNDIT ELEKTRICIST I OSHEE QE HUMB JETEN NE PUNE, NE NJE SHTYLLE!”
- “Ne harkun e PAK JAVEVE, jane 5 ELEKTRICISTE QE KANE HUMBUR JETEN NE PUNE! Jane shume dhe humbja e tyre eshte e papranueshme, e papertypshme!”
- “NDERMARRJET PUBLIKE TE ENERGJISE PO KTHEHEN NE VENDIN PER TE PASIGURT PER PUNETORET E TYRE! NUK MUND TE JETE KESHTU!”
- “E di, e kemi pranuar që të kenë 1001 probleme në raport me shërbimin për qytetarin – duke filluar nga vonesat me lidhjet e reja, jo me ditë, por me muaj të tërë. Por, cilësia e shërbimit nuk përmirësohet PA PUNËTORËT, pa kushtet e tyre të punës.”
- “Nuk po flas për pagat që vijojnë të jenë mbrapa në krahasim me sektorin privat dhe shërbime të tjera publike, mungesën e indeksimit të tyre, të gjitha të domosdoshme!”
- “POR JETA, SIGURIA E JETËS NË PUNË, AS KJO!!”
- “KA NJË GJË QE NUK SHKON DHE SIGURIA E JETËS DUHET TË KTHEHET NË PRIORITET ABSOLUT NË NDËRMARRJET PUBLIKE – ËSHTË EMERGJENCË JETIKE NË ATO TË ENERGJISË!”
“`