Credins Bank sjell Visa Infinite, kartën e parë metalike në Shqipëri!
Në një kohë kur tendencat moderne të stilit të jetesës po ripërcaktojnë mënyrën se si jetojmë, pritshmëritë tona janë tashmë të projektuara në një dimension tjetër. Cilësia, komoditeti dhe liria për të zgjedhur nuk janë më thjesht dëshira, por pjesë e një standardi të ri jetese. Në këtë realitet të ri, teknologjia dhe inovacioni ecin paralelisht me evolucionin e nevojave dhe sjelljes së konsumatorit, duke transformuar mënyrën sesi zgjedhim, konsumojmë dhe përjetojmë, duke u integruar natyrshëm në ritmin e jetës moderne.
Në këtë ritëm evoluon edhe mënyra sesi kërkojmë të menaxhojmë financat tona, duke i dhënë gjithnjë e më shumë vlerë shërbimeve që ofrojnë jo vetëm fleksibilitet, shpejtësi dhe siguri, por njëherazi një eksperiencë të personalizuar.
Në këtë dinamikë ndryshimesh të vazhdueshme, Credins Bank e ka kthyer risinë në një element të rëndësishëm të vizionit të saj, i cili merr formë përmes ofrimit të shërbimeve dhe produkteve të veçanta. Përtej vlerës financiare, Credins synon të ofrojë një eksperiencë unike, në harmoni me një mënyrë gjithnjë e më të rafinuar të të jetuarit.
Në këtë frymë vjen edhe lançimi i produktit më të ri nga Credins Bank, Visa Infinite, karta e parë metalike në Shqipëri, e cila është e nivelit më të lartë në hierarkinë e produkteve Visa. E konceptuar si një produkt financiar elitar që ndërthur fleksibilitetin financiar me një gamë të gjerë privilegjesh dhe shërbimesh premium, Visa Infinite ofron një tjetër nivel ekskluziviteti dhe eksperiencë.
E projektuar për individë me profil të lartë financiar, sipërmarrës, drejtues biznesesh, etj., Visa Infinite shënon një tjetër hap të rëndësishëm në zgjerimin e portofolit premium të Credins.
Visa Infinite e shfaq karakterin e saj dominant që në elementin e parë vizual. Është një kartë metalike, elegante në linja dhe e rafinuar në çdo detaj. Visa Infinite ofron njëkohësisht të gjithë funksionalitetin e një karte krediti, nga pagesat në terminale fizike dhe online, deri te përdorimi përmes Google Pay dhe Apple Pay. Funksionaliteti pasurohet më tej nga një gamë shërbimesh të dedikuara, brenda dhe jashtë vendit.
Por ajo që e bën speciale shkon përtej estetikës. Mundësi financiare të një niveli ekskluziv, shërbime të dedikuara dhe privilegje të përzgjedhura ndërthuren në një produkt të vetëm, menduar për ata që dinë të zgjedhin me kujdes, vlerësojnë cilësinë e jetës dhe e konsiderojnë komoditetin pjesë të natyrshme të përditshmërisë së tyre.
Çfarë do të thotë të kesh në duar një Visa Infinite?
Për të jetuar jetën sipas stilit tuaj! Të udhëtosh dhe aeroportet të mos jenë më sinonim i pritjes dhe lodhjes. Të kalosh përmes Fast Track, të kesh akses në mbi 1,200 lounge në mbarë botën dhe ta ndash këtë privilegj edhe me të tjerë. Ky është një tjetër dimension i udhëtimit, ku çdo etapë të jep privilegje në çdo detaj.
Sigurimi ndërkombëtar i udhëtimit
Me mbulim mjekësor deri në 2,5 milionë dollarë, sjell luksin më të çmuar: qetësinë për t’u nisur pa shqetësimin për të papriturën. Vonesat apo anulimet e fluturimeve, bagazhet e vonuara, makinat me qira apo aktivitetet sportive janë vetëm disa nga situatat që përfshin paketa e gjerë e sigurimit Visa Infinite. Me mbulime që shkojnë nga rimbursimi i shpenzimeve të shkaktuara nga vonesat e fluturimeve apo bagazheve, e deri te sigurimi i makinave me qira dhe aktiviteteve sportive, paketa krijon një nga strukturat më të plota të përfitimeve që shoqërojnë kartën gjatë udhëtimit.
Mbrojtja e blerjeve
Edhe blerjet mbajnë firmën e kësaj karte, ku në rast humbjeje, vjedhjeje apo dëmtimi aksidental, ato gëzojnë mbrojtje deri në 360 ditë nga momenti i blerjes.
Asistenca e personalizuar
Koncepti premium i Visa Infinite shkon edhe më tej, duke vendosur në qendër asistencën e personalizuar. Përmes Visa Concierge, klienti ka në dispozicion një shërbim të dedikuar për rezervime hotelesh e restorantesh, organizim udhëtimesh apo sigurimin e biletave për evente. Visa Chatbot ofron akses 24/7 në informacion mbi përfitimet, ofertat dhe privilegjet e kartës.
Global Client Support Service
Ky shërbim siguron asistencë në mbarë botën në raste si humbja apo vjedhja e kartës, zëvendësimi emergjent apo sigurimi i fondeve në raste emergjence.
Paketa mobile dhe oferta speciale
Paketën e plotëson edhe një benefit special: 9 GB roaming në 127 shtete. Kjo është një lehtësi për klientët që udhëtojnë shpesh dhe duan ta kenë botën vetëm një telefonatë larg. Përfitimet shtrihen edhe në një gamë ofertash të tjera me zbritje të dedikuara për kartat premium, mes të cilave përfshihet edhe 50% zbritje për transfertat me Uber drejt aeroportit, si edhe oferta të tjera speciale që mund të aksesohen përmes Visa Chatbot.
Visa Infinite u drejtohet klientëve që kërkojnë më shumë nga një produkt financiar dhe që dinë të zgjedhin shërbime në përputhje me profilin, statusin dhe stilin e tyre të jetesës. Përfitimet e saj ndërkombëtare, asistenca e personalizuar dhe mundësitë që ofron e bëjnë kartën një zgjedhje të dedikuar për një klientelë që vlerëson ekskluzivitetin në çdo detaj.
E konsideruar si një nga produktet më premium në Shqipëri, Visa Infinite ofron ekskluzivisht nga Credins Bank të gjitha privilegjet. Me lançimin e këtij produkti, Credins shënon sërish një hap strategjik të rëndësishëm në zhvillimin e segmentit premium dhe diversifikimin e portofolit të saj. Ky produkt rikonfirmon vizionin ambicioz mbi zhvillimin e produkteve sa elitare, po aq edhe inovatore, duke sjellë në tregun shqiptar standardet më të larta të shërbimit financiar ndërkombëtar.