VIDEO/ Aeroporti më i madh i Bangladeshit paralizohet nga zjarri, të gjitha fluturimet anulohen
Një zjarr i madh ka shpërthyer në Aeroportin Ndërkombëtar Hazrat Shahjalal, në Bangladesh. Zjarri, që ka vijuar për gati tre orë, ka sjellë pezullimin e përkohshëm të të gjitha fluturimeve në aeroportin kryesor të vendit.
Pamjet nga vendngjarja tregojnë tym të dendur të zi që ngrihet nga terminali i ngarkesave, duke mbuluar një pjesë të madhe të qiellit dhe duke krijuar një atmosferë të rëndë.
Sipas mediave lokale, disa zjarrfikës janë plagosur gjatë përpjekjeve për të vënë nën kontroll flakët.