Aksident i rëndë në Zall-Bastar, 4 të plagosur nga përplasja e dy makinave
Një aksident i rëndë rrugor ka ndodhur këtë mbrëmje në aksin rrugor Qafë Murriz-Shakalla e Tujanit, në vendin e quajtur Zall-Bastar.
Si pasojë e përplasjes së dy automjeteve, 4 persona kanë mbetur të plagosur. Një nga automjetet është kthyer përmbys.
Drejtuesit e mjeteve të tjera kanë pikasur aksidentin dhe kanë njoftuar menjëherë policinë dhe ambulancën, të cilat kanë mbërritur shpejt në vendngjarje.
Të plagosurit janë transportuar drejt spitalit të Traumës për të marrë ndihmën mjekësore.
Ndërkohë, policia dhe grupi hetimor kanë nisur hetimet për të zbardhur shkaqet e aksidentit. Paraprakisht, dyshohet se faktorë kontribues mund të kenë qenë lagështira në rrugë dhe shpejtësia e madhe.