Aksident me katër të plagosur në aksin Maqellarë-Peshkopi, njëri prej tyre transportohet me helikopter drejt Tiranës
Një aksident automobilistik me pasoja të rënda ka ndodhur pasditen e sotme në rrugën nacionale Maqellarë-Peshkopi, pranë fshatit Dovalan. Ngjarja ka sjellë lëndimin e katër personave, të cilët janë transportuar menjëherë në spital.
Të plagosurit janë dy çifte bashkëshortësh. Sipas informacioneve paraprake, bëhet fjalë për shtetasit K.L., 68 vjeç, bashkëshorten e tij V.L., 66 vjeç, si dhe shtetasin N.J., 57 vjeç, dhe bashkëshorten e tij H.J., 55 vjeçe.
Dy automjete janë përplasur mes tyre, duke rezultuar në plagosjen e katër personave. Ata u dërguan me urgjencë në Spitalin e Dibrës, ku po marrin ndihmën mjekësore të nevojshme.
Burime spitalore raportojnë se dy prej të lënduarve, konkretisht shtetasi K.L. dhe bashkëshortja e tij V.L., për shkak të gjendjes së rënduar shëndetësore, janë transportuar me helikopter drejt Spitalit të Traumës në Tiranë, për të marrë trajtim më të specializuar.
Në vendngjarje kanë shkuar edhe forcat e Policisë Rrugore, të cilat po punojnë për zbardhjen e plotë të shkaqeve dhe rrethanave të aksidentit. Qarkullimi i mjeteve në këtë aks është bllokuar përkohësisht për shkak të aksidentit.