Xhevahiri argjentinas, Álvarez është bomberi i Atletiko Madridit
Te River Plate ai u shfaq si talenti më i madh i akademisë së tyre, përpara se të fitonte Kupën Libertadores. Te Manchester City, ai fitoi Ligën e Kampionëve, duke u bërë opsioni më i vlefshëm në stol për Guardiolën. Tani, teksa synon titullin e tij të parë me Atletiko, ai sundon si bomberi kryesor.
Në fakt, ai kurrë më parë nuk kishte treguar një aftësi shënimi si ajo që po tregon me fanellën kuqezi, duke u bazuar edhe në statistikat. Pas 29 golave të shënuar sezonin e kaluar, çka e bëri atë, krahasuar me Vieri (sezoni 1997-98), debutuesin e pestë më produktiv në historinë e Atletiko (Pruden shënoi 46 gola në sezonin 1940-41; Baltazar 42 në 1988-89, Falcao 36 në 2011-12 dhe Hasselbaink 35 në 1999-00), Julian jo vetëm që po kryeson renditjen e golashënuesve të ekipit, por ka dyfishuar shifrat e tij krahasuar me të njëjtën periudhë të sezonit të kaluar.
Pas golit kundër Sevijes, ai ka shënuar tashmë shtatë gola në njëmbëdhjetë ndeshje të La Ligës dhe dy në Ligën e Kampionëve, krahasuar me katër (tre në kampionatin vendas dhe një në Evropë) që kishte shënuar në këtë pikë të sezonit të kaluar. PANORAMASPORT.AL