Lavrov paralajmëroi për sulme, ambasada amerikane në Kiev: Nuk do të largohemi nga qyteti
Ambasada amerikane në Kiev ka mohuar raportet se po largohet nga kryeqyteti ukrainas, pas thirrjes së Rusisë që diplomatët të largohen nga qyteti përpara sulmeve të planifikuara.
Ministria e Jashtme ruse lëshoi një deklaratë të hënën, duke paralajmëruar për një valë të re “sulmesh sistematike” që synojnë “qendrat e vendimmarrjes dhe postet komanduese”, duke u bërë thirrje shtetasve të huaj dhe diplomatëve të largohen “sa më shpejt të jetë e mundur”.
Duke folur në Qipro, shefja e politikës së jashtme të BE-së, Kaja Kallas, deklaroi se të gjitha ambasadat e huaja në kryeqytetin e Ukrainës, me përjashtim të njërës, kishin injoruar kërcënimin e Moskës.
“Ajo që dëgjuam nga Ukraina dje ishte se të gjitha ambasadat qëndruan përveç njërës,” tha Kallas këtë mëngjes. “Të gjithë evropianët qëndruan. Amerika u largua.”
Në përgjigje, ambasada amerikane bëri të ditur në një postim në X se nuk kishte pasur “asnjë ndryshim në operacionet tona dhe raportet përndryshe janë të rreme”.
Disa vende të BE-së kanë thirrur ambasadorët e tyre rusë lidhur me kërcënimin e Moskës.