Arrestohen tre shtetase të huaja për prostitucion në Tiranë
Tre shtetase të huaja janë arrestuar në Tiranë pasi u kapën duke ushtruar prostitucion në një apartament të marrë me qira në bulevardin “Zogu i parë”. Operacioni policor i koduar “Rental house” çoi në arrestimin e shtetaseve kineze T. L. dhe Y. J., si dhe shtetases tajlandeze B. S..
Në vijim të këtij operacioni, materialet janë referuar në Prokurori, ku është nisur procedimi penal për 6 shtetas të tjerë, të cilët dyshohet se kanë përfituar nga kjo veprimtari kriminale.
Sipas njoftimit të policisë, tre të arrestuarat kishin marrë me qira apartamentin në bulevardin “Zogu i parë” për të ushtruar veprimtarinë e prostitucionit.
Gjatë operacionit, janë sekuestruar një shumë parash, që dyshohet se janë përfituar nga prostitucioni, si dhe katër celularë.
Specialistët për Hetimin e Krimeve të Komisariatit të Policisë Nr. 3, në vazhdim të punës për goditjen e rasteve të përshtatjes së apartamenteve të marra me qira për ushtrimin e prostitucionit, finalizuan operacionin “Rental house”.
Në drejtimin e Prokurorisë, po vijon puna për identifikimin dhe nxjerrjen para përgjegjësisë penale të shtetasve të tjerë që mund të jenë të përfshirë në këtë rast. Materialet procedurale i janë referuar Prokurorisë së Tiranës për veprime të mëtejshme.