Arrestime në Tiranë për Shpërndarje Narkotikësh në Formë Xhelatine
Dy shtetas janë arrestuar në flagrancë në Tiranë për shpërndarje droge. Personat, të cilët dyshohet se shpërndanin lëndë narkotike kanabisi në formë xhelatine, u kapën në një lagje të rrugës “Xhanfize Keko”.
Gjatë operacionit të koduar “STOP”, policia sekuestroi 8 pako me lëndë të dyshuar narkotike kanabisi në formë xhelatine, rreth 802 gramë kanabis dhe 3 armë të ftohta (thika).
Policia, në bashkëpunim me Prokurorinë, po vijon hetimet për të zbardhur plotësisht rastin dhe për të identifikuar persona të tjerë të përfshirë në këtë aktivitet kriminal.
