Trump njoftoi arrestimin e tij, Qeveria e Venezuelës kërkon prova se Maduro është gjallë
Zëvendëspresidentja e Venezuelës, Delcy Rodriguez, ka deklaruar se qeveria nuk ka informacion për vendndodhjen e presidentit dhe zonjës së parë. Ajo ka theksuar nevojën për “prova të menjëhershme jete” të tyre.
Ministri i Mbrojtjes, Vladimir Padrino Lopez, ka njoftuar mobilizimin e forcave ushtarake në të gjithë vendin, sipas raportimeve të The Guardian. Ai gjithashtu ka bërë thirrje për unitet dhe rezistencë kundër asaj që e ka cilësuar si “sulmin më të rëndë” ndaj Venezuelës.
“Ata na kanë sulmuar, por nuk do të na nënshtrojnë,” ka thënë ai.