BE ndalon tranzitin e gazit rus në territorin evropian: Jemi më të fortë dhe më të sigurt
Këshilli Evropian ka njoftuar se vendet anëtare të BE-së kanë rënë dakord të ndalojnë tranzitin e gazit rus përmes bllokut.
Sipas një deklarate të lëshuar të hënën, nga 1 janari 2026, blloku do të ndalojë nënshkrimin e marrëveshjeve të reja të importit për gazin rus. Marrëveshjet afatshkurtra të lidhura para 17 qershorit 2025 do të lejohen të jenë në fuqi deri më 17 qershor 2026, ndërsa kontratat afatgjata do të vazhdojnë deri më 1 janar 2028.
Këshilli thekson se rregullat e reja përfshijnë “fleksibilitete specifike për shtetet anëtare pa dalje në det, të cilat janë prekur nga ndryshimet e fundit në rrugët e furnizimit”. Këto shtete do të kenë mundësinë të bëjnë ndryshime në kontratat ekzistuese me Rusinë.
Ndalimi i gazit rus u bë i ditur ndërsa ministrat e energjisë të BE-së u mblodhën në Bruksel. Ata mbështetën propozimin për heqjen e plotë të naftës dhe gazit rus deri në janar 2028.
Ministri danez i Energjisë, Lars Aagaard, shprehu kënaqësinë për mbështetjen “dërrmuese” të ministrave për legjislacionin që do të “ndalojë përfundimisht gazin rus nga hyrja në BE”.
“Një Evropë e pavarur nga ana e energjisë është një Evropë më e fortë dhe më e sigurt”, pohoi ai.