Skandali i Llogarasë: Berisha pretendon se Rama është përfshirë në afera dhe nuk e shkarkon Ballukun
Kreu i Partisë Demokratike, Sali Berisha, gjatë një bashkëbisedimi online me qytetarët, ka theksuar se skandali i lidhur me ministren Balluku dhe kryeministrin Rama ka arritur përmasa të jashtëzakonshme. Sipas tij, arsyeja pse kryeministri nuk e ka shkarkuar ministren e Infrastrukturës dhe Energjisë është sepse ai vetë është i përfshirë në këto afera.
Berisha shtoi se denoncimi i tij për “narkoshtetin” përputhet me raportet e mediave ndërkombëtare serioze, të cilat e kanë cilësuar Shqipërinë si “narkoshtetin e parë dhe të vetëm në Europë”. Ai theksoi se klanet shqiptare të drogës, në bashkëpunim me kartelet e Amerikës Latine, kontrollojnë tregun dhe përcaktojnë çmimet e lëndëve narkotike.
“Super skandali Rama-Balluku ka marrë përmasa të papara,” tha Berisha. Ai e konsideroi të paprecedent në historinë e Europës faktin që një kryeministër padit në Gjykatën Kushtetuese një gjykatë që ka pezulluar ish-zv/kryeministren. Rama, sipas tij, ka deklaruar se një pezullim i tillë nuk ka ndodhur kurrë më parë në Europë, por Berisha vë në dukje se nuk është një praktikë e zakonshme.
“Në Shqipëri jo vetëm që nuk jep dorëheqjen, por në GJK nuk shkoi e paditura Balluku, por Rama, jo për ndonjë ndjenjë që ka ndaj Ballukut, por për faktin se është bashkëautor në vjedhjet e mëdha. Është ai që dërgoi në Ankara Ballukun të takonte turqit,” tha Berisha.