“`html
Bie besimi i biznesit, treguesi i ndjesisë ekonomike u përkeqësua në korrik
Treguesi i ndjesisë ekonomike shënoi një rënie prej 1 pike gjatë muajit korrik. Sipas Bankës së Shqipërisë, ky përkeqësim është nxitur nga një ulje e besimit në të gjithë sektorët e biznesit, me një ndikim veçanërisht të theksuar në sektorët e ndërtimit dhe tregtisë. Ndërkohë, treguesi i besimit të konsumatorëve ka shënuar rritje.
Megjithatë, vlera e treguesit të ndjesisë ekonomike mbetet 5.4 pikë mbi mesataren afatgjatë.
Sektori i Industrisë:
- Treguesi i besimit në industri ra lehtësisht me 0.8 pikë përqindje në muajin korrik.
- Kjo rënie u shkaktua nga vlerësimet më pak optimiste për kontratat porositëse të eksportit.
- Niveli i treguesit mbetet rreth 8 pikë përqindje mbi mesataren historike të vet.
- Pritjet e bizneseve të këtij sektori për prodhimin, punësimin dhe çmimet në të ardhmen janë në rënie krahasuar me muajin e kaluar.
Sektori i Ndërtimit:
- Treguesi i besimit në ndërtim ra me 4.6 pikë përqindje në muajin korrik.
- Ky tregues mbetet rreth 6 pikë përqindje mbi mesataren afatgjatë.
- Në rënien e treguesit kontribuuan të dy komponentët kryesorë: vlerësimi i bizneseve për aktivitetin ndërtues dhe porositë aktuale.
- Pritjet për çmimet në të ardhmen janë në rritje.
Sektori i Shërbimeve:
- Treguesi i besimit në shërbime ra me 2.4 pikë përqindje.
- Niveli i treguesit mbetet rreth 5.5 pikë përqindje mbi mesataren afatgjatë.
- Të dy komponentët përbërës, ecuria aktuale e aktivitetit dhe niveli i kërkesës, kanë shënuar rënie.
- Pritjet e bizneseve për çmimet në të ardhmen janë në rritje.
Sektori i Tregtisë:
- Treguesi i besimit në tregti u reduktua me rreth 3.2 pikë përqindje në muajin korrik.
- Kjo rënie u shkaktua kryesisht nga vlerësime jo optimiste për ecurinë e biznesit.
- Edhe treguesi i punësimit në të ardhmen pati një kontribut rënës në indeks, por në masë më të ulët.
- Ndonëse në rënie, niveli i treguesit të besimit në tregti qëndron rreth 9 pikë përqindje mbi mesataren historike.
- Pritjet për çmimet në të ardhmen janë vlerësuar në rritje.
Besimi i Konsumatorëve:
- Treguesi i besimit të konsumatorëve regjistroi një vlerë më të lartë me rreth 2.2 pikë përqindjeje.
- Ai mbetet rreth 1.2 pikë përqindje mbi nivelin e mesatares historike.
- Konsumatorët vlerësuan lehtësisht me rritje të gjithë komponentët përbërës të treguesit: vlerësimin e situatës ekonomike të vendit, situatën e tyre financiare në të ardhmen, si dhe blerjet në shuma të mëdha aktuale dhe në të ardhmen.
- Pritjet për nivelin e përgjithshëm të çmimeve në të ardhmen janë rishikuar për poshtë.
“`