Bllokada në Lindjen e Mesme, Ushtria Amerikane Paralajmëron: Anijet që Hyjnë në Zonën e Ndaluar do të Ndiqen dhe Kapen
Ushtria amerikane ka lëshuar një paralajmërim të qartë: çdo anije që hyn ose del nga zona e bllokadës së ardhshme pa leje do të jetë “subjekt i ndjekjes, devijimit dhe kapjes”. Sipas një njoftimi për shtyp të Komandës Qendrore të SHBA-së, i raportuar nga Reuters, bllokada do të zbatohet në Gjirin e Omanit dhe Detin Arabik, në lindje të Ngushticës së Hormuzit, duke filluar nga ora 15:00 me kohën e Mbretërisë së Bashkuar sot.
Ky masë do të zbatohet për të gjithë trafikun detar, pavarësisht flamurit të anijes.
“Çdo anije që hyn ose largohet nga zona e bllokuar pa autorizim i nënshtrohet përgjimit, devijimit dhe kapjes. Bllokada nuk do të pengojë kalimin neutral të tranzitit përmes Ngushticës së Hormuzit për në ose nga destinacione jo-iraniane,” thuhet në njoftim.
Fillimisht, Presidenti amerikan Donald Trump pati deklaruar në rrjetet sociale se marina amerikane do të parandalonte kalimin e “çdo dhe të gjitha” anijeve nëpër Ngushticën e Hormuzit. Megjithatë, ushtria amerikane sqaroi më vonë se bllokada do të zbatohej “në mënyrë të paanshme” ndaj anijeve që hyjnë dhe dalin nga portet iraniane.