Bombarduesi më i shpejtë i Forcave Ajrore Amerikane zbarkon në Britaninë e Madhe
Një bombardues amerikan, i cili mund të transportojë 24 raketa lundruese dhe të arrijë një shpejtësi prej 1.450 km/orë, ka zbarkuar në Britaninë e Madhe. Ky zhvillim vjen pasi Sekretari i Mbrojtjes i SHBA-së paralajmëroi për një “rritje” të sulmeve ndaj Iranit.
B-1 Lancer, sipas kompanisë Boeing, është bombarduesi më i shpejtë në Forcat Ajrore të SHBA-së. Ky avion, i njohur si The Bone dhe i pilotuar nga një ekuipazh prej katër personash, është pajisur me sisteme të avancuara radari dhe GPS, të cilat ndihmojnë në goditjen e objektivave. Ai përfshin gjithashtu bllokues elektronikë, paralajmërime radari dhe një sistem karrem për mbrojtje nga armiqtë.
Avioni B-1, i cili është përdorur në operacione në Siri, Libi, Afganistan dhe Irak, ka aftësinë të mbajë deri në 34 tonë armë dhe pajisje. Ai mban ngarkesën më të madhe konvencionale të armëve, si të drejtuara ashtu edhe të padrejtuara, në inventarin e Forcave Ajrore dhe përbën shtyllën kurrizore të forcës bombarduese me rreze të gjatë veprimi të Amerikës. Ky avion mund të dërgojë shpejt sasi masive armësh precize dhe jo precize kundër çdo kundërshtari, kudo në botë, në çdo kohë.