Burg për vrasjen e biznesmenit italian

Gjykata e Shkallës së Parë të Gjirokastrës ka caktuar masën e sigurisë “burg pa afat” për Kamber Sulçen, i cili akuzohet për vrasjen e biznesmenit italian Eduardo Sarchi.

Prokurorja e çështjes ka paraqitur provat e mbledhura nga grupi hetimor, duke dokumentuar rrethanat e ngjarjes deri në momentin e vetdorëzimit të autorit.

Avokati i të pandehurit ka kërkuar marrjen në konsideratë të vetdorëzimit si rrethanë lehtësuese. Pavarësisht kësaj, gjykata vendosi masën e sigurisë më të rëndë.

Avokati i Kamber Sulçes deklaroi se do të ankimojë vendimin në Gjykatën e Apelit në Tiranë. I pandehuri nuk ka bërë deklarime gjatë seancës.