Temperaturat ekstreme detyrojnë centralin bërthamor në Slloveni të ulë prodhimin me 80%
Centrali bërthamor i Krškos në Slloveni do të reduktojë prodhimin e energjisë me 80%, për shkak të niveleve të ulëta të ujit dhe temperaturave të larta në lumin Sava. Këtë e njoftuan autoritetet e centralit.
Sipas deklaratës zyrtare, nëse kushtet e motit përkeqësohen më tej, prodhimi mund të ulet edhe më shumë për të garantuar funksionimin e sigurt të impiantit.
Vala e të nxehtit dhe thatësira që kanë përfshirë Evropën po ushtrojnë presion mbi sektorin energjetik, duke ulur nivelet e ujit në lumenj dhe duke krijuar shqetësime për furnizimin me ujë, transportin lumor dhe prodhimin e energjisë elektrike.
Situata ka prekur edhe vende të tjera të rajonit:
- Në Rumani, autoritetet shpërthyen një shkëmb për të devijuar më shumë ujë nga lumi Danub drejt reaktorit të vetëm bërthamor në funksion, i cili varet nga uji për sistemin e ftohjes.
- Hungaria ka paralajmëruar se centrali i saj i vetëm bërthamor mund të ketë kapacitet të kufizuar për të ruajtur prodhimin nëse temperaturat e larta vazhdojnë.