Dëmtohet mburoja mbrojtëse e centralit bërthamor të Çernobilit
Agjencia Ndërkombëtare për Energjinë Atomike (IAEA), agjenci e Kombeve të Bashkuara, ka njoftuar se mburoja mbrojtëse e termocentralit bërthamor në Çernobil është bërë jofunksionale për shkak të dëmeve të shkaktuara nga sulme me dronë. Ukraina ka akuzuar Rusinë për këto sulme.
Bëhet fjalë për mburojën e njohur si “Konvoji i Sigurisë” ose “Arka”, e cila u ndërtua pas katastrofës bërthamore në Çernobil në vitin 1986, me qëllim të parandalimit të përhapjes së rrezatimit.
Drejtori i IAEA-s, Rafael Grossi, deklaroi se mburoja ka humbur funksionin e saj kryesor të sigurisë, por nuk ka pasur dëmtime të përhershme të strukturës mbajtëse apo të sistemit të monitorimit. Ai theksoi se janë kryer disa riparime, por gjithashtu është e domosdoshme një ndërhyrje gjithëpërfshirëse për të parandaluar degradimin e mëtejshëm dhe për të siguruar sigurinë bërthamore afatgjatë.