Diddy në rrezik për jetën në burg? Shoku i tij zbulon detaje tronditëse nga jeta në qeli: U zgjua me një thikë në fyt
Reperi i njohur Diddy, i cili aktualisht po mbahet në burg, ka qenë në rrezik për jetën, sipas pretendimeve të mikut të tij të ngushtë, Charlucci Finney.
Finney ka zbuluar se Diddy u zgjua në qelinë e tij me një thikë të vendosur në fyt. Megjithatë, artisti nuk pësoi lëndime. Miku i tij beson se ky incident ishte një “mesazh paralajmërues” për Diddy-n.
Në deklaratat e tij për median, Finney tha: “Nuk e di nëse ai u përlesh me sulmuesin apo nëse rojet ndërhynë, por e di që incidenti ndodhi.”
Sipas Finney, i cili është mik i Diddy-t prej vitesh, incidenti në Qendrën e Paraburgimit Metropolitan në Brooklyn ka pasur si qëllim më shumë frikësimin e artistit 55-vjeçar sesa lëndimin e tij fizik.
“Nëse ky person do të donte ta lëndonte, Sean do të ishte plagosur. Do t’i duhej vetëm një sekondë për t’ia prerë fytin. Ndoshta ishte një mënyrë për të thënë, ‘Herën tjetër nuk do të jesh kaq me fat’. E gjitha ka të bëjë me frikësimin. Por me Seanin, kjo nuk do të funksionojë. Sean është nga Harlemi,” shtoi Finney.
Diddy mbetet në burg pas arrestimit të tij në shtator 2024, ku përballet me akuza për shantazh, trafikim seksual, mashtrim dhe transport për prostitucion. Ai është deklaruar i pafajshëm për të gjitha akuzat.
Ekipi i tij ligjor kishte lëshuar një deklaratë në atë kohë, ku thuhej: “Jemi të zhgënjyer nga vendimi për të vazhduar këtë ndjekje penale të padrejtë. Sean Combs është një ikonë muzikore, biznesmen i suksesshëm, baba i dashur dhe filantrop, i cili ka kaluar 30 vjet duke ndërtuar një perandori dhe duke mbështetur komunitetin afrikano-amerikan.”