Grabitje spektakolare: Arrestimi i grabitësve brenda tunelit, marrin 2 milionë euro! Kurthi me makina të djegura dhe gozhdë
Një grabitje e madhe u krye mëngjesin e sotëm në provincën e Reggio Calabria, përgjatë autostradës, ku u përfshi një furgon i blinduar në pronësi të kompanisë Sicurtransport. Sipas vlerësimeve paraprake, shuma e parave të grabitura arrin rreth dy milionë euro.
Ngjarja ndodhi brenda një tuneli midis kryqëzimeve Scilla dhe Bagnara, ndërsa furgoni po udhëtonte drejt veriut. Gjatë grabitjes, autorët qëlluan disa herë, por fatmirësisht nuk pati të lënduar.
Për të realizuar sulmin, grabitësit bllokuan trafikun duke vendosur dy makina të djegura përgjatë rrugës. Menjëherë pas ngjarjes, në vendngjarje reaguan forcat e policisë dhe zjarrfikësit.
Hetimet për identifikimin dhe kapjen e autorëve janë duke u zhvilluar intensivisht. Autoritetet po shqyrtojnë pamjet nga kamerat e sigurisë dhe dëshmitë e personave që ndodheshin në zonë.