Presidenti i Partisë së Lirisë, Ilir Meta, distancohet nga pagesat lobuese të dyshuara në SHBA
Presidenti i Partisë së Lirisë, Ilir Meta, ka reaguar në lidhje me raportimet mediatike se SPAK ka pranuar një letërporosi nga Shtetet e Bashkuara të Amerikës, e cila konfirmon pagesa lobimi përtej Atlantikut për ish-LSI. Kjo letërporosi, sipas mediave, është prezantuar edhe në seancën paraprake për gjykimin e Ilir Metës.
Kreu i Partisë së Lirisë ka deklaruar se ai ka zbatuar të gjitha rregullat dhe se asnjë marrëveshje e firmosur prej tij nuk ka lidhje me lobim të paligjshëm. Ai ka shtuar se:
- “Midis kompanisë GSIS dhe LSI ka pasur një kontratë shumë të detajuar dhe të mirëpërcaktuar se si realizohej çdo shërbim dhe çdo pagesë. Kjo kontratë është në dispozicion të SPAK-ut dhe do bëhet publike nga ne pas seancës paraprake të gjykimit. Vija e kuqe e theksuar në këtë kontratë ishte respektimi i ligjit antikorrupsion në SHBA për të mos pranuar asnjë pagesë të parregullt.”
Meta ka hedhur dyshime se kushëriri biznesmen i Monika Kryemadhit, biznesmeni shqiptaro-amerikan A.SH (Adrian Shatku), mund të ketë kryer pagesa ekstra lobimi pranë kompanisë GSIS, e cila më parë ishte kontraktuar nga LSI në Amerikë.
Presidenti i Partisë së Lirisë ka vijuar duke theksuar se:
- “Ndaj, nëse është e vërtetë se GSIS ka pranuar pagesa nga biznesmeni shqiptaro-amerikan A.SH apo kushdo tjetër për llogari të LSI, kjo i vlen vetëm drejtësisë amerikane për të proceduar kompaninë në fjalë për shkeljen e ligjeve amerikane, por edhe të kontratës së nënshkruar me përfaqësuesin e autorizuar të LSI në shkurt 2016. Po kështu, nëse kjo është e vërtetë, edhe shtetasi A.SH e kushdo tjetër duhet të procedohet nga drejtësia amerikane për shkelje të ligjeve amerikane. Nëse dikush nga LSI ka autorizuar shtetasin A.SH të bëjë veprime të tilla të paligjshme, padiskutim që duhet të përgjigjet maksimalisht para ligjit shqiptar.”
Personi që presidenti i Partisë së Lirisë e përmend me iniciale, është biznesmeni shqiptaro-amerikan Adrian Shatku, i cili figuron në disa fashikuj të dosjes hetimore që SPAK ka kopsitur ndaj tij, Monika Kryemadhit dhe bashkëpunëtorëve të afërt.
Ilir Meta ka theksuar me bindje se:
- “Por është e padiskutueshme që unë Ilir Meta, as kam autorizuar njeri dhe as kam patur dijeni për veprime të tilla dhe kjo do të provohet në gjykatat shqiptare dhe amerikane.”
Ai u është zotuar se nuk ka firmosur asnjë marrëveshje të paligjshme, por nëse kjo është bërë nga të tjerë, ai i kërkon drejtësisë që të merret me ta.
Reagimi i Ilir Metës mbi provat amerikane
Ilir Meta i ka cilësuar provat amerikane të raportuara nga SPAK si jo bindëse, duke i krahasuar me “tigrat e Bangladeshit të Kimetes”. Ai ka deklaruar:
- “Dua të garantoj të gjithë qytetarët shqiptarë se “prova amerikane” kundër Metës është si tigrat nga Bangladeshi që solli Kimetja, që nuk prodhojnë energji për shqiptarët. Edhe kjo “provë” nuk prodhon dot as fakt penal dhe as fajësi për Ilir Metën.”
Ai përsëriti faktin se kontrata me GSIS ishte e detajuar dhe respektonte ligjet, duke shtuar se:
- “Nëse është e vërtetë se GSIS ka pranuar pagesa nga biznesmeni shqiptaro-amerikan A.SH apo kushdo tjetër për llogari të LSI, kjo i vlen vetëm drejtësisë amerikane për të proceduar kompaninë në fjalë për shkeljen e ligjeve amerikane por edhe të kontratës së nënshkruar me përfaqësuesin e autorizuar të LSI në shkurt 2016. Po kështu, nëse kjo është e vërtetë, edhe shtetasi A.SH e kushdo tjetër duhet të procedohet nga drejtësia amerikane për shkelje të ligjeve amerikane. Nëse dikush nga LSI ka autorizuar shtetasin A.SH të bëjë veprime të tilla të paligjshme, padiskutim që duhet të përgjigjet maksimalisht para ligjit shqiptar. Por është e padiskutueshme që unë Ilir Meta, as kam autorizuar njeri dhe as kam patur dijeni për veprime të tilla dhe kjo do të provohet në gjykatat shqiptare dhe amerikane.”
Meta ka ironizuar duke u shprehur se:
- “Nëse prodhimi i lajmeve të tilla e ndihmon Dumanin të rregullojë frymëmarrjen e rënduar në Kuvend ia mirëkuptoj hallin, por nuk mund t’ia zgjidh dot unë. Ai është mësuar të ngatërrojë ligjin me Maliqin, siç mund të ngatërrojë Amerikën me Bangladeshin dhe McGonigalin me Amerikën. Verifikojini se mos letërporositë për Charles McGonigal i kanë mbetur në ishujt Azore se Hulusiu është i fortë në gjeografi. E garantoj Dumanin se kjo histori nuk është një lojë “Kaladibrançe” dhe fundi i saj do të jetë i merituar për këta mercenarë pa Atdhe dhe pa nder.”