Diplomacia dështoi, Irani u drejtohet vendeve fqinje pas sulmeve: Ishte zgjidhja jonë e fundit
Presidenti iranian, Masoud Pezeshkian, deklaroi të mërkurën se qeveria e tij i ishte drejtuar diplomacisë për të shmangur luftën, por u detyrua të ndërmerrte masa mbrojtëse pas sulmeve të Shteteve të Bashkuara dhe Izraelit.
“Ne e respektojmë sovranitetin tuaj”, theksoi Pezeshkian në një mesazh të postuar në platformën X, drejtuar vendeve fqinje dhe aleatëve. “Besojmë se siguria dhe stabiliteti i rajonit duhet të arrihen përmes përpjekjeve të përbashkëta të shteteve të tij.”
Irani ka lëshuar raketa dhe dronë drejt Izraelit dhe bazave amerikane në Gjirin Persik. Ndërkohë, shumë nga municionet dhe mbetjet e shkatërruara nga sistemet e mbrojtjes ajrore kanë rënë në zona civile.