Irani tregon fleksibilitet: Propozim për negociata për hapjen e Ngushticës së Hormuzit
Sipas raportimeve të “Wall Street Journal”, të cilat citojnë burime të informuara për çështjen, Irani ka treguar një qasje më fleksibile në lidhje me kushtet e negociatave me Shtetet e Bashkuara për një armëpushim të përhershëm.
Raporti sugjeron se Irani ka hequr dorë nga kërkesa paraprake që Shtetet e Bashkuara të ndërpresin bllokadën e Ngushticës së Hormuzit para fillimit të negociatave për armëpushim. Për më tepër, Teherani ka propozuar diskutimin e programit të tij bërthamor në këmbim të një reduktimi të sanksioneve të vendosura nga SHBA.
Mediat raportojnë se Irani është gjithashtu i gatshëm të kthehet në tryezën e negociatave në Pakistan javën e ardhshme.
Burimet e cituara nga “WSJ” shpjegojnë se propozimi i Iranit shkon më tej, duke ofruar diskutimin e kushteve të Teheranit për rihapjen e Ngushticës së Hormuzit, me kusht që Shtetet e Bashkuara të garantojnë ndërprerjen e sulmeve dhe bllokadës së porteve iraniane.
Më parë, qëndrimi i Iranit ishte që Shtetet e Bashkuara të merrnin fund bllokadën si parakusht për bisedime, duke kërkuar gjithashtu që Uashingtoni të bien dakord për përfundimin e luftës përpara se të diskutohej menaxhimi i Ngushticës dhe programi bërthamor.
Sipas propozimit të ri, çështjet që lidhen me programin bërthamor të Iranit mund të diskutohen në këmbim të heqjes së sanksioneve nga SHBA. Irani u ka komunikuar ndërmjetësve gatishmërinë e tij për të zhvilluar bisedime në Pakistan në fillim të javës së ardhshme, nëse Uashingtoni e pranon këtë propozim.