Klodian Braho i zgjedhur kreu i ri i SPAK, ja si votuan anëtarët e Këshillit të Lartë të Prokurorisë
Këshilli i Lartë i Prokurorisë (KLP) ka votuar sot me shumicë të thjeshtë votash për zgjedhjen e Klodian Brahos si kryetar të Prokurorisë së Posaçme kundër Korrupsionit dhe Krimit të Organizuar (SPAK). Klodian Braho do të pasojë në këtë detyrë Altin Dumanin.
Procedura e votimit u shpjegua nga kryetarja e KLP-së, Mirela Bogdani. Anëtarët votuan duke përdorur stilolaps në fletë votimi të posaçme, ku shënuan emrin e prokurorit të preferuar për kreun e SPAK-ut.
Kryetarja Mirela Bogdani, nënkryetari Erind Gërmenji, si dhe anëtarët Moisi Duda, Olger Eminaj, Ledina Riza, Arta Mandro dhe Zeqir Hoda, votuan për Klodian Brahon.
Nga ana tjetër, anëtarët Erind Merkuri, Vatë Staka dhe Sokol Stojani votuan për Adnan Xholin. Elvin Gokaj mori votën e anëtarit Erion Fejzulla.
Më poshtë është lista e plotë e votimit të anëtarëve të KLP-së:
- Për Klodian Brahon votuan:
- Kryetar: Mirela P. Bogdani
- Zv. Kryetar: Erind Gërmenji
- Anëtar: Moisi Duda
- Anëtar: Olger Eminaj
- Anëtar: Ledina Riza
- Anëtar: Arta Mandro
- Anëtar: Zeqir Hoda
- Për Adnan Xholin votuan:
- Anëtar: Erind Merkuri
- Anëtar: Vatë Staka
- Anëtar: Sokol Stojani
- Për Elvin Gokaj votuan:
- Anëtar: Erion Fejzulla
Ceremonia e marrjes së detyrës nga kryetari i ri i SPAK-ut, Klodian Braho, pritet të zhvillohet më 19 dhjetor.