Kolumbia ndërpret marrëdhëniet diplomatike me Iranin dhe rreshtohet krah SHBA-së
Qeveria e Kolumbisë ka vendosur të ndërpresë marrëdhëniet diplomatike me Iranin, duke u pozicionuar kështu hapur në mbështetje të politikës së jashtme të aleatit të saj kryesor strategjik, Shteteve të Bashkuara të Amerikës.
Nëpërmjet një deklarate zyrtare, autoritetet kolumbiane njoftuan se ky hap është ndërmarrë për shkak të shqetësimeve serioze lidhur me sigurinë kombëtare dhe atë hemisferike. Mes faktorëve kyç të përmendur janë lidhjet e dyshuara të Teherit me grupe ndërkombëtare terroriste dhe narkoterroriste, si dhe shkeljet e vazhdueshme të të drejtave të njeriut.
Vendimi për ndërprerjen e marrëdhënieve u formalizua më 19 shtator. Ministria e Jashtme e Kolumbisë sqaroi në një njoftim zyrtar se marrëdhëniet konsullore mes dy vendeve do të vijojnë të ruhen.
Sipas diplomacisë kolumbiane, vendimmarrja është ndikuar gjithashtu nga:
- Sulmet e verifikuara kundër shteteve që nuk janë pjesë e konfliktit në Lindjen e Mesme.
- Bllokada e Ngushticës së Hormuzit.
- Pengimi i përpjekjeve të Agjencisë Ndërkombëtare të Energjisë Atomike (IAEA) për verifikimin e programit bërthamor iranian.
Këto zhvillime, sipas qeverisë së Bogotës, kanë cenuar përfundimisht besimin te qeveria e Republikës Islamike.