Konflikti me Izraelin: Presidenti i Libanit i telefonon Trump, më parë refuzoi bisedën me Netanjahun
Presidenti i Libanit, Joseph Aoun, zhvilloi një bisedë telefonike me Presidentin e SHBA-së, Donald Trump, këtë pasdite, sipas presidencës libaneze.
Kjo telefonatë ndodhi pasi Aoun refuzoi të fliste me kryeministrin e Izraelit, Benjamin Netanyahu, tha një zyrtar libanez për CNN. Kjo qe në kundërshtim me pretendimet e mëparshme nga zyrtarët izraelitë dhe Trump, se të dy udhëheqësit do të zhvillonin bisedime historike.
Zyra e Presidentit libanez Joseph Aoun konfirmon se ai pati sot një telefonatë me Presidentin e SHBA-së, Donald Trump. Në një postim në X, thuhet se Aoun e falënderoi Trumpin për përpjekjet e tij drejt arritjes së një armëpushimi në Liban dhe për të “siguruar paqe dhe stabilitet të qëndrueshëm”.
Aoun përsëriti dëshirën e tij për një armëpushim mes Izraelit dhe Hezbollahut “sa më shpejt të jetë e mundur”, thuhet në njoftim.