Mbretëresha Sonja e Norvegjisë, në moshën 88-vjeçare, është shtruar në spital për shkak të problemeve me zemrën.
Sipas një deklarate të lëshuar nga pallati mbretëror norvegjez, Mbretëresha Sonja u shtrua në Spitalin Universitar të Oslos të mërkurën. Ajo pritet të qëndrojë në spital për disa ditë, ku do të jetë nën vëzhgim mjekësor.
Njoftimi vjen pas një periudhe pushimi mjekësor, të cilin ajo e filloi të dielën.
Mediat norvegjeze raportojnë se bashkëshorti i saj, Mbreti Harald V, 89 vjeç, ndodhet në një turne në pjesën perëndimore të vendit dhe pritet ta përfundojë programin e tij, nëse nuk paraqiten rrethana të paparashikuara.
Në janar të vitit 2025, Mbretëresha Sonja u shtrua në spital për shkak të fibrilacionit atrial dhe iu nënshtrua një procedure për vendosjen e një stimuluesi kardiak.