Meta dhe Kryemadhi para drejtësisë, fillon seanca në GJKKO
Ka nisur seanca më e fundit gjyqësore në Gjykatën e Posaçme kundër kryetarit të Partisë së Lirisë, Ilir Meta, dhe ish-bashkëshortes së tij, Monika Kryemadhi.
Edhe gjatë seancës së sotme, Meta ka paraqitur një kërkesë pranë gjykatës për transmetimin live të procesit gjyqësor. Megjithatë, ashtu si edhe në rastet e mëparshme, kërkesa e tij është refuzuar nga gjykata.
Për pasojë, seanca e sotme do të zhvillohet me dyer të mbyllura, pa praninë e kamerave.
Ilir Meta shihet teksa bisedon me avokatin e tij, Kujtim Cakrani, ndërkohë që Monika Kryemadhi qëndron e ulur në vendin e saj, duke treguar indiferencë.
Meta dhe Kryemadhi po zhvillojnë gjyqin në themel, dhe pritet të shihen zhvillimet e seancës së sotme.