Moti i keq në Korçë/ Disa zona ende pa energji
Pas reshjeve të shiut, ekipet e punës, në bashkëpunim me Bashkinë Maliq dhe Drejtorinë e Ujitjes dhe Kullimit, po punojnë për mbylljen e çarjes në argjinaturën e lumit Devoll.
Në një njoftim zyrtar, Prefektura e Qarkut Korçë bën me dije se segmentet rrugore janë të kalueshme, përveç aksit Maliq-Kufi Gramsh, ku problematikë mbeten aluvionet në formë balte që vijnë nga skarpatat, kryesisht në zonën e Lozhanit.
Gjithashtu, Prefektura njofton se ekipet e OSHEE-së ndodhen në gatishmëri për riparimin e defekteve në terren.