Komandanti i NATO-s: Perëndimi nuk është më i sigurt duke luftuar larg kufijve të tij
Zhvillimi i sistemeve të reja të armëve, si raketat me rreze të gjatë veprimi dhe dronët, i ka vënë vendet perëndimore në një pozicion të cenueshëm. Kjo pasi ato nuk mund të zhvillojnë më luftëra larg kufijve të tyre pa u shqetësuar për sigurinë e territorit të tyre. Kështu u shpreh portali Business Insider, duke cituar Zëvendës Komandantin Suprem të Forcave Aleate të NATO-s për Evropën, John Stringer.
Sipas Stringer, raketat moderne me rreze të gjatë veprimi, dronët dhe kërcënimet e sabotimit bëjnë të mundur goditjen e objekteve që dikur konsideroheshin të paarritshme.
Ai ilustroi situatën duke thënë: “Për Mbretërinë e Bashkuar, kjo do të thoshte se dikur mund të vendoseshim 2,000 ose 3,000 milje larg Mbretërisë së Bashkuar, të luftonim dhe pastaj të ktheheshim në një zonë të pasme shumë të sigurt siç ishte Mbretëria e Bashkuar. Ato ditë, për fat të keq, kanë ikur gjithashtu.”
Portali vuri në dukje se konflikti ukrainas ka ekspozuar shkallën e kërcënimit që rrjedh nga përdorimi masiv i dronëve dhe raketave me rreze të gjatë veprimi.
Në të ardhmen, NATO do të duhet të mendojë për mbrojtjen jo vetëm të objekteve të izoluara, por të sigurisë së të gjithë kontinentit evropian, shtoi Stringer.