Punonjësi i KLSH u largua nga puna nga frika për të kontrolluar Ramën
Kryetari i Kontrollit të Lartë të Shtetit (KLSH), Arben Shehu, ka raportuar në Komisionin për Ekonominë, Punësimin dhe Financat për rastin e një punonjësi të KLSH-së, i cili është larguar nga puna për shkak të frikës për të audituar veprimtarinë e Kryeministrit.
Shehu ka pohuar se ai është në dijeni të situatave ku punonjës të KLSH-së kanë hezituar të kryejnë auditime që kanë lidhje me Kryeministrinë, për shkak të shqetësimeve për pasoja.
Kreu i KLSH-së ka treguar gjithashtu se ka marrë një letër nga një person i cili shprehte synimin për t’iu drejtuar institucioneve ndërkombëtare për mbështetje në përpjekjet për të audituan punën e Kryeministrit.
“Më është dërguar një letër nga një person që do t’i drejtohej institucioneve ndërkombëtare për të më mbështetur mua në auditimin e punës së kryeministrit, pasi unë nuk kam mundësi ta bëj këtë për shkak të frikës”, ka deklaruar Shehu.
Ai ka theksuar se, pavarësisht vështirësive, ai nuk ka frikë nga askush, përveç Zotit dhe ligjit.
“Çfarë të bëj unë në këto situata? Unë e konsideroj veten tek ata persona që i frikëm vetëm Zotit dhe ligjit”, ka shtuar Shehu.
Kreu i KLSH-së ka sqaruar se kontrolli për kryeministrin ishte i nevojshëm gjatë periudhës kur Rama ishte përgjegjës për Punët e Jashtme, në kohën kur Gent Cakaj mbante postin e zëvendësministrit.