Putin: Nuk duam konflikt, por jemi të gatshëm nëse Evropa zgjedh luftën
Presidenti rus Vladimir Putin deklaroi sot se Rusia është e gatshme për luftë në rast se Evropa dëshiron ta fillojë atë. Ndërsa fliste pas një forumi investimesh në Moskë, presidenti rus theksoi se evropianët nuk kanë një axhendë paqësore dhe po mbështesin luftën, duke shtuar se kërkesat nga lufta në Ukrainë janë të papranueshme për Rusinë.
“Nuk planifikojmë të hyjmë në luftë me Evropën, e kam thënë këtë qindra herë,” tha ai. “Por nëse Evropa papritmas dëshiron të na luftojë dhe e fillon, ne jemi të gatshëm tani. Nuk ka asnjë dyshim për këtë,” nënvizoi Putin.
Ai shtoi: “Nëse Evropa papritmas dëshiron të fillojë një luftë me ne dhe e bën, atëherë mund të lindë shumë shpejt një situatë në të cilën nuk do të kemi me kë të negociojmë.”
Putin pretendon gjithashtu se evropianët po pengojnë përpjekjet e administratës amerikane dhe Donald Trump për të arritur një marrëveshje paqeje përmes bisedimeve.
Ai deklaroi se qyteti i Pokrovskut në Ukrainë është tani plotësisht nën kontrollin e ushtrisë ruse, pasi ministria ruse e mbrojtjes publikoi pamje që duket se tregojnë ushtarë rusë duke valëvitur flamuj në qytetin në vijën e frontit.