Rama pret në zyrë kampionin Nelson Hysa, pozojnë me doreza boksi
Kryeministri Edi Rama ka pritur në zyrën e tij kampionin Nelson Hysa, i cili ka mbrojtur titullin “WBO” vetëm pak ditë më parë. Hysa, i cili ka arritur fitoren numër 25 në karrierë, ka vizituar zyrën e kryeministrit duke pasur me vete dorezat e boksit që përdori në përballjen me rivalin norvegjez Thomas Narmo. Ai ka shprehur se ndeshja ka qenë e vështirë.
Gjatë takimit, Kryeministri Rama e ka përgëzuar kampionin Hysa për suksesin dhe mbrojtjen e titullit, duke vlerësuar rezultatet e tij në arenën ndërkombëtare. Ndërsa boksieri ka theksuar se aktualisht është i vetmi boksier shqiptar i renditur në katër federatat kryesore ndërkombëtare të boksit.
Më pas, Hysa i ka dhuruar Ramës një nga dorezat dhe të dy kanë pozuar për një fotografi. Rama ka thënë se të dy janë me hundën e thyer; Hysa nga sporti i boksit, ndërsa Rama nga përjetimi i dhunës në vitin 1997.