Sot mbahet seanca paraprake për dosjen “Veliaj”, ku do të vendoset për kalimin në gjykim.
Në orën 09:00, pranë Gjykatës së Posaçme kundër Korrupsionit dhe Krimit të Organizuar (GJKKO) do të zhvillohet seanca e radhës paraprake për dosjen penale të lidhur me kryebashkiakun e Tiranës, Erion Veliaj. Fokusi kryesor i kësaj seance do të jetë vendimmarrja për kalimin ose jo të çështjes për gjykim. Gjithashtu, do të shqyrtohet mundësia e kthimit të saj pranë Prokurorisë së Posaçme kundër Korrupsionit dhe Krimit të Organizuar (SPAK) për plotësimin e hetimeve të mëtejshme.
Seanca e mëparshme, ku i pranishëm ishte edhe vetë kryebashkiaku Veliaj, u shty. Arsyeja e shtyrjes ishte kërkesa e tij për t’u njohur me aktet e dosjes, si një e drejtë procedurale e pandehurve.