Rubio: SHBA synon t’i shpallë dy banda braziliane si ‘organizata terroriste’
Shtetet e Bashkuara kanë për qëllim të caktojnë dy banda braziliane, PCC dhe Comando Vermelho, si “Organizata Terroriste të Huaja” duke filluar nga data 5 qershor, njoftoi të enjten Sekretari i Shtetit amerikan Marco Rubio.
Administrata e presidentit Lula në Brazil ka tentuar të shmangë këto emërime, pasi ato mund të hapin rrugën për veprime ushtarake nga SHBA-të në Brazil ose sanksione kundër bankave që, pa e ditur, kryejnë transaksione me anëtarë të bandave.
Ndërsa emërtimi si FTO ishte parashikuar të hynte në fuqi në qershor, Departamenti i Shtetit amerikan i caktoi bandat si “Terroristë Globalë të Caktuar Posaçërisht” të enjten, tha Rubio në një deklaratë.
Rubio deklaroi se këto banda janë dy nga “organizatat më kriminale dhe të dhunshme në Brazil” dhe se ndikimi dhe rrjetet e tyre shtrihen në të gjithë rajonin dhe në Shtetet e Bashkuara.
“Administrata Trump do të vazhdojë të përdorë të gjitha mjetet në dispozicion për të mbrojtur kombin tonë dhe interesat tona të sigurisë kombëtare, duke mbajtur drogën e paligjshme larg rrugëve tona dhe duke ndërprerë fluksin e të ardhurave që financojnë terroristët e dhunshëm të lidhur me narkotikët,” tha Rubio.