Rubio: Nuk synojmë të arrijmë një marrëveshje me Iranin me çdo kusht
Uashingtoni po përpiqet të arrijë një marrëveshje me Iranin, por jo me çdo kusht. Këtë deklaratë e bëri ai gjatë një takimi të përbashkët ministror të Këshillit të Bashkëpunimit të Gjirit dhe Shteteve të Bashkuara, të zhvilluar në Manama, kryeqytetin e Bahreinit.
“Ne nuk po kërkojmë një marrëveshje me çdo kusht. Ne kemi nevojë për një marrëveshje të mirë, realiste, që mund të verifikohet dhe zbatohet,” tha ai.
Sekretari i Shtetit theksoi se Shtetet e Bashkuara shpresojnë që negociatat me Iranin të kenë një rezultat pozitiv dhe se zgjedhja tjetër e Teherit nuk do të çojë në rezultatet e dëshiruara për të.
Rubio nënvizoi gjithashtu se është e papranueshme që Irani të vendosë taksa për anijet që kalojnë nëpër Ngushticën e Hormuzit.
“Rrugët ujore ndërkombëtare nuk i përkasin asnjë shteti. Ky është një nga parimet themelore të rendit botëror modern. Pa të, bota do të zhytej në kaos. Nëse do të pranonim që një rrugë ujore ndërkombëtare mund të vihej nën kontroll për shkak se kalon pranë territorit të një shteti, kjo qasje do të përhapej shpejt në mbarë botën,” shtoi ai.