SHBA-të pezullojnë përkohësisht pagesat për OKB-në
Administrata e Presidentit të SHBA-së, Donald Trump, ka pezulluar përkohësisht pagesat drejt Organizatës së Kombeve të Bashkuara (OKB), duke pritur reformat e nevojshme në organizatë. Ky njoftim u bë nga Mike Waltz, Përfaqësuesi i Përhershëm i SHBA-së në OKB, gjatë një interviste për Breitbart News.
“Presidenti po pezullon fondet amerikane derisa të shohim reformat”, deklaroi diplomati. Sipas tij, nën presionin e Shteteve të Bashkuara, Sekretari i Përgjithshëm i OKB-së, Antonio Guterres, ka pranuar të shkurtojë buxhetin e organizatës botërore me 15%. Kjo masë do të rezultojë në një reduktim prej 18% të stafit dhe një ulje prej 25% të paqeruajtësve.
“Besoj se në shumë mënyra do ta shpëtojmë atë (OKB-në) nga vetvetja dhe do t’i çojmë reformat përpara”, shtoi Waltz.