Titulli: “A pranoni të martoheni me ne?” – Rama ndan pamjet nga Konferenca Ndërqeveritare në Bruksel: Do të jemi anëtarë të këtij familjari brenda kësaj dekade
Kryeministri Edi Rama ka ndarë pamje nga mbledhja me kabinetin e tij qeverisës, e zhvilluar para Konferencës Ndërqeveritare në Bruksel.
“Që ne pranojmë, do ta themi tani. A pranoni të martoheni me të? Po, unë pranoj,” shprehet Rama, duke përdorur një batutë në mbledhjen me kabinetin e tij para nisjes së Konferencës.
Më pas, videoja vijoi me takimin e tij me Komisioneren Europiane për Fqinjësi dhe Zgjerim, Marta Kos, dhe Zëvendësministren për Çështjet Europiane të Qipros, Marilena Raouna. Kryeministri u shpreh se ka besim se Shqipëria do të jetë pjesë e Bashkimit Europian brenda kësaj dekade.
Në fjalën e tij, Kryeministri Edi Rama nënvizoi dëshirën e madhe për t’u bërë pjesë e BE-së dhe renditi disa nga përmirësimet që vendi ka pasur:
“E dashur Marilena, faleminderit shumë. Jeni të rinj, nuk e dini ende shijen e dashurisë. Duhet të mësoni nga dashuria e Shqipërisë për BE-në, pa kushte dhe e çiltër. Kemi thyer një tjetër rekord për negociatat, i çelëm të gjithë kapitujt brenda 11 muajve. Kaluam nga kjo tek faza e nisjes së mbylljes së kapitujve me këtë konferencë të sotme, edhe një herë brenda një afati të shkurtër. Ky nuk është fundi, por fillimi i fundit dhe e dimë se duhet të bëjmë shumë më tepër punë.
Është edhe momenti t’i themi të gjithë shqiptarëve, që e kanë ndjekur IBAR-in me kaq shumë vëmendje. Dua të them se sot kemi një vend që ka GPB prej 27 milionë eurosh, e nisëm me tetë. Kemi një vend që sot ka shkuar nga 300-400 milionë investime të huaja, në miliarda. Njerëzit duhet të kuptojnë se kjo lidhet me punën që ne po bëjmë së bashku. Kemi një sistem drejtësie të fuqizuar dhe të pavarur si kurrë më parë në historinë e vendit tonë. E nisëm me stigmën e një vendi me kulturë pandëshkueshmërie dhe kjo duket tani si të ketë ndodhur shekuj më parë. Rrugëtimi ynë europian është i pakthyeshëm. Ne nuk po heqim dorë nga anëtarësimi me të drejta të plota. Kjo ka të bëjë me ndërtimin e një dinamike të re, e imponuar ndaj Europës nga faktorë të jashtëm. Nuk do të thotë krijimi i një Europe me dy kategori, por një bashkim i gjithanshëm. E kam dëgjuar shumë herë se duhet të prisni që të reformojmë BE-në dhe më pas prisni t’ju marrim vete. Por nuk duhet të ndodhë kështu. Ne të gjithë duhet të kuptojmë edhe një herë se ka ardhur koha ta luajmë ndryshe lojën tonë. Kur vjen puna te Shqipëria, nuk kemi asnjë alternativë tjetër. Duam të jemi pranë kësaj, me çfarëdo statusi. Një shtet anëtar i BE-së në rajon merr nga BE mbi 4 mijë euro për frymë. Ne merrnim 132 euro për frymë, një hendek i madh. Plani i ri ishte më i ndryshëm, por jo i mjaftueshëm. Kjo ka të bëjë me një Europë tërësisht të integruar, duke mos hequr dorë kurrë nga procesi i bazuar në meritë. Kjo ndihmon vendin të ketë një demokraci funksionale,” u shpreh Rama.
Në konferencën ndërqeveritare në Bruksel, komisionerja europiane Marta Kos, u ndal tek progresi i Shqipërisë në procesin e anëtarësimit. Ajo vlerësoi SPAK-un, të cilin e konsideroi institucion flamurtar antikorrupsion që ka vërtetuar që mund të japë rezultate.
“Puna juaj ka qenë e suksesshme, keni miratuar ligje. Kemi parë vetting-un e qindra gjyqtarëve dhe prokurorëve. Kemi parë ngritjen e SPAK-ut, që është institucion flamurtar antikorrupsion që ka vërtetuar që mund të japë rezultate dhe që mund të bëhet institucion më i besueshëm në Shqipëri. Fuqia transformuese duhet më së pari të ndjehet nga vetë shqiptarët. Ky është një themel i fortë për të arritur gurin e themelit, sot vendosim me vetëbesim. Sot kemi vendosur objektivat e fundit, shtetet anëtare kanë vendosur pikat kyç. Në momentin që plotësohen kushtet, ky është momenti për të intensifikuar punën. Shqipëria duhet ta përdorë këtë energji pozitive. Pritet progres i mëtejshëm. Tashmë është koha të përmbushim pritshmëritë e shqiptarëve. Më shumë se 95% e shqiptarëve mbështesin anëtarësimin tuaj në BE. Kemi rrugë të gjatë përpara, por do të vijë shumë shpejt, dhe t’i kthehemi menjëherë punës, ne po punojmë fort për procesin e anëtarësimit,” tha Marta Kos.
Rama deklaroi se Shqipëria do të jetë pjesë e unionit europian brenda kësaj dekade. Ai u shpreh se procesi i anëtarësimit në BE është sfida më e madhe që Shqipëria ka kaluar.
“Themeli për pjesën tjetër, për paga më të mira, investime më të mëdha. Ky është një proces shtet-ndërtues. Dua të falenderoj gjithashtu Silvion, zëdhënësin tonë të dashur në emër të kujdestarit që i duhet të na sjellë lajme të mira dhe të këqija, ka qenë shumë kuptimplotë. Është konferenca e fundit ndërqeveritare që ia përfaqëson BE-në. Dua të falënderoj dritën e diellit që solli Qiproja sot, ne sot sollëm pak diell nga Shqipëria, ju nga Qipro; ky qytet shndriti. Dua të falënderoj vendet anëtare që kanë bërë një punë të jashtëzakonshme, të na sfidojnë, është sfida më e madhe që kemi kaluar. Ne do të jemi anëtarë të këtij familjari brenda kësaj dekade. Unë e di, e ndjej, do të luftoj së bashku me ekipin. Jam shumë i bindur që Marta nuk di të heqë dorë nga kjo, përpara fundit të mandatit të saj, që përkon me herën e fundit që Shqipëria do të jetë jashtë kësaj shtëpie. Jemi shumë të lumtur dhe ndjehemi shumë të lumtur,” tha Rama.