“`html
Dosja e SPAK/ Dalin përgjime të tjera të Ervis Berberit me mikun e tij Valter Begajn
Në kuadër të dosjes së SPAK, janë publikuar përgjime të reja mes ish-kreut të ARRSH-së, Ervis Berberi, dhe ortakut të tij, Valter Begaj. Këto përgjime lidhen me abuzime të dyshuara me tenderin për lotin 4 të Unazës së Madhe, ku nën hetim është edhe Belinda Balluku.
Sipas Prokurorisë Speciale kundër Korrupsionit dhe Krimit të Organizuar (SPAK), Valter Begaj rezulton pronar i kompanisë NET Group. Përmes kësaj kompanie, ai dyshohet se përfitonte fonde publike, të cilat më pas ia kalonte një kompanie tjetër në pronësi të Ervis Berberit.
Ky skemë e dyshuar përfitimi paraje nga Ervis Berberi mendohet se ka funksionuar edhe në tenderin për supervizimin e tunelit të Llogarasë. Për këtë akuzë, Berberi ndodhet në burg që prej marsit të vitit 2024.
Në vijim janë disa nga përgjimet e publikuara:
- Ora 12:07 – Valter Begaj i dërgon një mesazh Ervis Berberit: “Pa shaka Mendoje”.
- Ora 12:09 – Ervis Berberi përgjigjet: “Popo”.
- Ora 19:24 – Valter Begaj i dërgon Ervis Berberit një mesazh zanor me titull “PTT-20200713-EA0010.opus”, ku pyet: “Shoku përshendetje! Harrove me Altinin?! E bëri DST-në apo po fle gjumë?”.
- Ora 19:25 – Ervis Berberi i përgjigjet: “Po nesër mbaron”.
- 14.07.2020, Ora 12:14 – Ervis Berberi i dërgon SMS Valter Begajt: “Fol me Skerdin se i kam cuar shkrese per auditim”.
- Ora 12:14 – Valter Begaj i dërgon Ervis Berberit mesazhe zanore, ku shprehet: “O trap po e ke ti shok me tepër se unë. Se kam unë. Mua do ma varte për të voglat, ma vari për të mëdhat prej teje. Kështu që fol vetë.”.
- Ora 12:21 – Ervis Berberi: “Eshte the Tla airoporti, si dhe dërgon një listë me subjekte të ndryshme ekonomike (shoqëri tregtare dhe institucione)”.
- Ora 12:56 – Valter Begaj i dërgon Ervis Berberit një mesazh zanor: “Nuk shkoj me TIA-në unë. Flloin e ke shok vetë. Unë me Flloin as nuk flas.”.
- 15.07.2020, Ora 20:34 – Valter Begaj i dërgon Ervis Berberit mesazhet: “Shif nesër garat e ukt Nese te pelqen ndonjera e marrim Per zbatim”.
- Ora 20:34 – Ervis Berberi telefonon Valter Begajn dhe zhvillojnë një bisedë.
- 22.09.2020, Ora 16:54 – Valter Begaj i dërgon Ervis Berberit njoftimin nga Agjencia e Prokurimit Publik, duke theksuar se shoqëria “Net Group” sh.p.k. është kualifikuar në fazën e parë të procedurës së prokurimit nga Autoriteti Rrugor Shqiptar për objektin “Studim Projektim Rikualifikim i Unazës Lindore, për lotet 4,5,6”. Ai komenton: “Ketu na kualifikuan. E hengrem kot atje Te shohim tani”.
- Ora 16:56 – Ervis Berberi: “Po ishalla. Nuk qahet mbi qumesht e derdhur”.
- 02.11.2020, Ora 19:57 – Ervis Berberi i dërgon Valter Begajt linkun: “https://ëëë.facebook.com/100044306385573/posts/3505146769508430/”.
- Ora 20:53 – Valter Begaj: “E oa shperndare gjithe PD Aaaa se di”.
- Ora 20:54 – Ervis Berberi: “E kemi ne baldushkun si supervizion?”.
- Ora 20:54 – Valter Begaj: “Yes dhe nje tjetër Ka”.
- Ora 20:53-20:54 – Ervis Berberi: “E kemi ne baldushkun si supervizion? Qendren e fshatiť”.
- Ora 20:54 – Valter Begaj: “Yes dhe nje tjetër Aaaa se di Ke sakte”.
- Ora 20:54 – Ervis Berberi: “Kete pra”.
- Ora 20:54 – Valter Begaj: “Por kemi”.
Në lidhje me linkun e dërguar nga Ervis Berberi, rezulton se ai çon në një status në rrjetin social “Facebook” të publikuar nga shtetasi B.K. Ky status përmban një video dhe një tekst ku kritikohet ashpër kryetari i Bashkisë Tiranë, duke e akuzuar për mashtrim dhe propagandë.
“`