Aeroporti i Ibizës është “paralizuar” për shkak të përmbytjeve të shkaktuara nga stuhia “Alice”. Incidenti ka sjellë ndërprerje të energjisë elektrike dhe ka detyruar autoritetet të vendosin forcat ushtarake për herë të dytë brenda dy javësh.
Situata në aeroport ka qenë kaotike, me ujërat e stuhisë që kanë depërtuar deri në tavanin e ndërtesës, ndërsa stafi dhe pasagjerët janë përpjekur të menaxhojnë situatën.
Aeroporti është mbyllur për një orë dhe 24 fluturime janë anuluar plotësisht, ndërsa të tjerë janë devijuar drejt destinacioneve të afërta. Turistë nga Britania dhe vende të tjera kanë mbetur të bllokuar.
Pamjet e përmbytjeve janë bërë virale në rrjetet sociale, duke treguar stafin duke pastruar ujin. Vendosja e forcave ushtarake është urdhëruar për të ndihmuar në pompimin e ujit dhe hapjen e rrugëve.