Droni ukrainas godet një autobus rus, shtatë të vdekur dhe 11 të plagosur
Një sulm me dron ukrainas kundër një autobusi pasagjerësh ka shkaktuar viktima në rajonin e Donetskut, në një territor të kontrolluar nga Rusia. Sipas autoriteteve lokale të emëruara nga Moska, shtatë persona humbën jetën dhe 11 të tjerë mbetën të plagosur.
Ngjarja ndodhi në qytetin Jenakiyevo. Autobusi po udhëtonte në linjën Moskë–Simferopol, duke u nisur drejt Gadishullit të Krimesë.
Kreu i administratës lokale të mbështetur nga Rusia, Denis Pushilin, njoftoi përmes platformës Telegram se mjeti ishte goditur nga një dron, duke shkaktuar humbje të konsiderueshme njerëzore.
“Sipas informacioneve paraprake, shtatë civilë u vranë. Njëmbëdhjetë persona të tjerë pësuan lëndime të shkallëve të ndryshme dhe po marrin trajtim mjekësor,” deklaroi Pushilin.