VIDEO/ Sulm me dron rus në qendër tregtare në Ukrainë, 5 të vrarë dhe 67 të plagosur, mes tyre edhe fëmijë
Të paktën pesë persona humbën jetën dhe 67 të tjerë u plagosën pas një sulmi me dron rus në një qendër tregtare në qytetin Pavlograd, rajoni Dnipropetrovsk, Ukrainë. Mes të plagosurve janë edhe tetë fëmijë.
Të gjithë të lënduarit janë dërguar në spital për trajtim. Sulmi ndodhi gjatë ditës, në një moment kur rrugët e qytetit ishin të mbushura me njerëz.
Ministri i Brendshëm ukrainas, Ivan Vigivsky, deklaroi se forcat ruse goditën qendrën tregtare në mes të qytetit dhe se ekipet e shpëtimit dhe policia mbërritën menjëherë në vendngjarje.
Fillimisht autoritetet raportuan për dy viktima dhe 18 të plagosur, por bilanci u rëndua gjatë orëve në vijim, duke arritur në pesë të vdekur dhe 67 të plagosur.
Sipas guvernatorit rajonal Oleksandr Khanza, sulmi shkaktoi dëme të mëdha në dyqane, pavijone tregtare dhe automjete, ndërsa një pjesë e rrugës në qendër të qytetit është dëmtuar rëndë. Rreth 90% e objekteve të dëmtuara janë biznese dhe ambiente tregtare.
Mes të plagosurve janë edhe fëmijë të moshave të ndryshme, përfshirë katër adoleshentë të moshave 13, 14, 15 dhe 17 vjeç, si dhe tre vajza të moshave 4, 4 dhe 11 vjeç.
Ekipet e emergjencës vijojnë punën në zonë për pastrimin e pasojave të sulmit dhe dokumentimin e dëmeve. Autoritetet ukrainase kanë njoftuar gjithashtu se 11 shtator 2026 është shpallur ditë zie në Pavlograd.